一家樂也融融的商場

前文提及過立川 LaLaport 這個大型商場,與香港的商場或者是日本專門給遊客購物的商場比較,真係人性化得多。無他的,主要原因是這個商場不是給外地人「爆買」,而是給當地人一家大細一個放鬆消閒的地方。商場中固然見到很多香港人耳熟能詳的品牌,例如「無癮良品」、「H+M」、「UniCool佬」,仲有很多香港女性所愛的「花花煲」等。然而,商場也有不少當地的品牌,例如香港人到日本必定朝聖的「凍急瘦」。這個商場的其中一個特點是對小朋友非常友善在香港根本不會這樣設計商場。以下是一些「友善」的例子。IMG_7881

  • 商場外有一個小型兒童遊樂場。小朋友可以在這裏嬉戲一會先跟媽媽購物。香港少部分商場也有遊樂場,但不夠多。

IMG_6205IMG_0544

  • 講到明是親子,差不多每一個,係「每一個」洗手間旁邊都有一間育嬰室,內裏有換片的地方,甚至提供適合沖奶溫度的飲用水,部分甚至有小兒廁所(類似幼稚園那些),哺乳室當然唔少得。各位父母應該試過在香港商場找尋或等候育嬰室的慘況,提供一個位給媽媽餵奶已經是皇恩浩盪。這裏?多到你用唔曬。

IMG_1840IMG_7200

  • 香港嘅商場好似驚人PatPat生瘡,搵張凳坐下都無。這裏給你千千萬萬張沙發,慢慢坐。

IMG_5227

  • 商場有一個區域是BB和小童區,有遊戲玩,有用品玩具買。仲有最緊要條路成幾米闊,這裏父母推嘅係BB車,唔係好似香港父母在商場推碰碰車。

IMG_6781IMG_4621

  • 出街小朋友去廁所是父母面對的一大難題,這裡絕無問題,有BB廁所板,唔怕跌得慘。男孩唔夠高,尿兜水喉放得low。以上只是男廁的情況,女廁應該更精彩(我當然唔會去偷影啦)。

IMG_1008.JPG

  • BB車有優先使用的電梯。三層商場俾五層停車場你,恨死隔離。

IMG_5927IMG_3629

  • 啲先係親子,裝修中的商店外邊的圍板不是拿來賣廣告,而是裝上黑板給小朋友做畫家。另外仲有免費的卡通BB車,你鍾意米奇麵包超人比卡超定多啦A夢(我都係鍾意叫佢「叮噹」)?

這才是住宅區的商場嘛。


相片由作者提供。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s